L’annada escolara 2006-2007 dau Gramon s’acaba...

L’annada escolara 2006-2007 dau Gramon (ceucle local de l’IEO-06) s’acaba : 25 escolans marcats au cors de lenga, 15 ai danças tradicionali populari, 8 au teatre. Avèm participat ai 30 ans de l’IEO-06, a la manifestacion de Besièrs, ai doi Rescòntres Inter-Curturaus Musicaus de Bòn-Viatge, a la prima de la poèsia, a la conferença de Robèrt ROURRET, en aquela dei placas bilingui de Drap, a la sortida en Macaron... A la rentrada li serà un atalier de mai, aqueu de "charaïssa" animat da Mauris. Vòli aremerciar lu animators dei ataliers e sobretot lu joves dau Gramon : lo grop Occitaniss e toi lu pichoi que si son marcats a l’atalier teatre e aqueu dei danças tradicionali. Son la riquessa e l’avenir de la nòstra lenga. Cerquerem de li donar una plaça mai granda en l’associacion.

Auguram de bòni vacanças ai sòcis de l’IEO-06 e ai sieu familhas e v’asperem encara mai nunerós en setembre. D’aquí en la, venètz sempre visitar lo vòstre site, que l’estiu occitan es ric en manifestacions de toti menas : baletis, rescòntres, festenaus...

Quauqui fòtos dau darnier cors que foguèt cortet...a qu’a laissat plaça a la fèsta.

Vos aremercii encara per tot. Siatz de peis !