RIBON-RIBANHA

a l’adreça : ribonribanha@yahoo.fr

"La garderem ribon-ribanha, nòsta rebèla lenga d’Òc !"

Li figas sequi de Tanta Lisa

Au principi dei annadas cinquanta, la mauparada aclapava la familha.

Ma maire trevava lu « sanas » dins lo relarg grassenc e ieu, après un estagi d’un mes en l’espitau Pasteur, dont li mònegas infirmieras m’avian pertuadi li esclapas embé de piquras de penicilina, mi trovèri anamont a Rigaut en cò de ma gran (1).

Lo metge avia esplegat a n’aquela paura vièlha (vuetanta e subla a l’època) que per sanar completament, lo pichon espès coma una gruelha de ginestre, devia manjar : de lach, d’òus e de carn.

Per lu doi premiers minga problèma n’i èra a breti, mas par la carn !...

Lu òus, Tanta Rosa, que corria au cuòu dei galinas dins lo cortil, ne’n portava doi cada jorn. Un per lo matin, un per lo sera.
Lo matin lach de galina : ros de l’òu mesclat embé de sucre trissat, de lach chep e sobretot un pauc de café per li donar un bèu color.

Lo sera òu esquilhat m’una lesca de bòn pan de Mariús dau Molin de Rigaut.

Quatre mes d’aquesto regime, la gruelha èra venguda un bèu polon ben gras. Mas, de dètz ans de temps, d’òus n’ai pas vorgut manjar, ren que de lu veire mi montava l’escufenha.

Mas aquí esquilhi, vi volii cuntar la pinhata ai « figas sequi »

Dins la coïna (sala da manjar, salon, sala de banh !...) sota dau pesquier (una pèira negra cavada pertuada au mitan embé un tubo de plomb (b=p) qu’escampava li aigas bruti au defòra) si trovava un pichin mòble (una gròssa caissa m’una estagiera), caissa d’explosius, rèstas d’un temps que mon gran cavava la rota dei cluas de Chans. Dins aquesto « mòble » tronava la pinhatassa, de tèrra rossa m’un cubercèu, una vièlha sieta ensada cordurada per un « manhin » de passatge, embé una decoracion que rapresentava un tròç de l’istòria dau premier Emperi que empedissia li ratetas da faire lo merendon a jaba.

Dintre aquest aise ma gran ordonava li figas sequi (lu figons, coma diía) embé de fuelhas d’abaguier per li parar dei arnas e un pauc de farina de gran per non que si peguèsson. De figuieras (Belonas segurament !), n’i èran doï. Embé lo « cròc » agantava cen que podia, aqueli de la brondalha sobrana esperava que s’en calèsson soleti ò engraissèsson lu merlos e lu gais. Pi, li camalava en lo solelhaire dont si secavan sus d’un liech de ginestre en plaça dei tomatis, ja ordonats dins de boitas de sucre vuèii.

Lo gustaron dau ‘près-dinnar èra lèu alestit : una lesca de pan soventi fes estaïs embé doi figons, e zo ! Mas quora aprofitava dau soleu d’octòbre, charrant emb’ai sieu amigas la colonheta sota dau braç, filant la lana dei feas, ieu, d’escondilhon, lèu lèu anavi ne’n faire petar quauqu’uni de mai.

La leconaria, un pecat ? Avii pas paur dau tron de Dieu.

La Santa frema s’en avisava, mas faía bus, anava pas chinchar lo sieu solet e único felen. D’enfants li ne’n sobrava que doi, ela que n’auguèt vuech.

La malautia, lu accidents lu avian levat dau mitan. De nhònas ne’n donava pas gaire, mas lo sieu amor, escondut m’a ajudat a atravessar aquesti pròvas de la vida, ieu que ma maire e mon paire mi defautavan.

Menti encara lo gust d’aqueli fruchas sequi, li pichini granas que cricavan sot’ai dents, lo gust de mèu, l’esperfum de l’abaguier que si maridava tant ben embé l’odor de la figuiera. Aquesta pinhata pensi qu’èra ela que m’aluchava, mi dient : « ven pichonet, ven ti servir dins lo mieu ventre generós, leva la sieta cordurada, s’en batent de la batalha d’Auterlitz, Napoleon fa manco pus paur ai aranhas ».

Sièis mes pus tardi lo malan continuèt, Tanta Chiqueta venguèt faire un enclin a ma gran...

Anatz vi cercar lu « figons » !

Passejavi una setmana fa, de matin, en lo mercat de la « Liberacion » e tot en un còup veguèri un banc de fruchas sequi, e, que m’asperavan aquí ?

Un molonàs de « figons » !
Ne’n crompèri una manada, m’esperlecant d’avança dau plaser qu’aurii.

Lo promier bocon mi faguèt tornar sus tèrra.
Li pichini granas cricavan sempre, mas vai-ti cercar lo gust, la pèu èra dura coma de plàstica, pròpi de gòma da mastegar... l’esperfum d’abaguier ?...

Aquesti cauvas dau Levant-mejan valian manco un clavèu ! Fin finala li donèri ai palombs. Deçauput, m’en tornèri au mieu. Adieu lu « 13 desserts », li seràn que dotze.

Maigrana, d’amont en Paradís, segurament, siàu segur que siàs tu qu’alestisses lu « figons » per lu Sants e lu Àngels. Pareisse que son bocafinas e que per lo cachafuec lu si fan calar embé plaser.

Bòna Annada en toi.

(1) Ma gran, un li diía Tanta Lisa, quora una frema s’ajassava, la venion querre. Ela, agantava un faudiu polit, dei cisèus, un roquet de fiu e l’i anava. N’a fach nàisser totplen de pichoi Rigaidencs.

Si ditz que n’a sauvat un que sa maire èra ben paura en lach embé lo sieu remedi : un figon ben mòl e ben sucrat enfolopat d’un tròç de tela fina en plaça de suceta !!!

Ecologic, nè ?

Roger Gilli

Les figues sèches de Tante Lisa

Au début des années cinquante, le malheur s’était abattu sur la famille. Ma mère passait son temps dans un sanatorium de la région grassoise, et moi, après un stage d’un mois à l’hôpital Pasteur, où les bonnes sœurs infirmières m’avaient percé les fesses à coups de piqûres de pénicilline, je me retrouvais à Rigaud chez ma grand-mère.

Le médecin avait expliqué à cette brave vieille (quatre-vingts ans passés) que pour bien guérir, le petit, sec comme une cosse de genets, devait manger des œufs, du lait, de la viande... Pour les deux premiers éléments, pas de problème, il y en avait à volonté, quant à la viande ! …

Les œufs Tante Rosa, qui galopait derrière ses poules nous en fournissait deux chaque jour : un pour le matin, un pour le soir.

Le matin lait de poule : un jaune d’œuf battu avec du sucre en poudre, du lait tiède, et un peu de café pour le colorer. Le soir, œuf frit avec une belle tranche de pain de Marius le boulanger du Moulin de Rigaud.

Quatre mois à ce régime, la cosse sèche était devenue un petit poulet bien dodu ! Mais durant les dix années qui suivirent, la seule vue d’un œuf me soulevait le cœur.

Mais je m’égare, je voulais vous raconter « la marmite aux figues sèches ».

Dans la cuisine de la maison, qui servait de salle à manger, de « salon », de salle de bain, sous l’évier (une grosse pierre noire creusée, percée en son milieu et raccordée à un tuyau de plomb qui évacuait les eaux usées à l’extérieur), il y avait un petit « meuble, une grosse caisse dotée d’une étagère. Ancienne caisse d’explosifs, vestige d’un temps où mon grand-père travaillait à la construction de la route des gorges du Cians.

Dans ce meuble trônait la grosse marmite d’argile munie d’un couvercle,’une vieille assiette fêlée et agrafée par un étameur raccommodeur de faïences et porcelaine artisan du début du siècle et décorée d’une scène guerrière à la gloire du premier empire. Couvercle qui empêchait les souris de se goinfrer à leur aise.

Dans cet ustensile ma grand-mère rangeait les figues sèches, « les figons », avec des feuilles de laurier qui éloignaient les mites, et un peu de farine de blé pour éviter qu’elles ne se collent.

Des figuiers nous en possédions deux. Avec son « croc » elle cueillait ce qui était possible, quant à celles des branches supérieures, elle guettait leur chute ou les abandonnait à l’appétit des merles et des geais, très nombreux à cette époque. Puis elle les transportait dans le grenier séchoir où, sur un lit de branches de genet, elles sécheraient à la place des tomates déjà rangées dans des boites de sucre vides.

Le goûter était vite préparé, une tranche de pain, souvent rassis (le boulanger ne passant qu’une fois par semaine), deux « figons », et hop ! Mais, quand elle profitait du bon soleil d’octobre tout en discutant avec ses amies, la quenouille sous le bras filant la laine, moi en douce, j’allais en voler quelques unes de plus !

La gourmandise, un péché ? Je n’avais pas peur des foudres célestes.

Cette sainte femme s’en apercevait bien, mais elle faisait semblant de rien, elle n’allait pas gronder son seul et unique petit fils. Il ne lui restait que deux de ses huit enfants, la maladie et les accidents les lui avaient volés. Des caresses elle ne m’en prodiguait pas beaucoup, mais son amour pudique m’a été d’un grand secours pour franchir ces épreuves de la vie... mes parents me manquaient tant.

Je me souviens encore du goût de ces fruits secs, des petites graines qui craquaient sous les dents, de la chair sucrée, presque du miel, du parfum du laurier qui se mariait si bien avec celui du figuier. Cette marmite, je pense qu’elle me regardait en me disant :
« Viens petit ! Viens te servir dans mon ventre généreux ! Soulève l’assiette cousue, on se moque de la bataille d’Austerlitz, Napoléon ne fait même plus peur aux araignées ! »

Six mois plus tard le malheur frappa de nouveau, la grande faucheuse vint faire la révérence à Lisa.
Foutus « les figons ».

Je me promenais, il y a une semaine au marché de la « libération », et qui m’attendait là sur un banc de fruit sec ? Un amoncellement de figues sèches !

J’en achetais quelques unes, salivant par avance au plaisir que j’aurai à les déguster. La première bouchée eut tôt fait de me ramener sur terre. Les petites graines craquaient encore sous les dents, mais disparu le goût de miel. La peau était dure comme du plastique, semblable à du chewing-gum, quant au parfum de laurier... Ces « choses » du moyen-orient ne valaient pas « tripette ». Finalement ce sont les pigeons qui s’en régalèrent. Déçu, je rentrais chez moi, les 13 desserts ne seront que douze cette année.

Grand-mère, là haut en paradis sûrement, je suis persuadé que c’est toi qui prépare les « figons » pour les saints et les anges. Ils sont gourmands et becs fins et les apprécient tant pour le réveillon !

Ma grand-mère, on l’appelait Tante Lisa. Quand une femme était sur le point d’accoucher, on avait recours à ses services. Elle mettait un tablier propre, attrapait ses ciseaux, une bobine de fil... et en avant ! Elle a aidé bien des petits Rigaudois à voir le jour.
On dit même qu’elle en a sauvé un dont la mère avait peu de lait, grâce à son remède : « un figon » bien mou et bien sucré enveloppé dans une toile fine en guise de sucette !

Écologique n’est ce pas ?

Vorguessiatz laissar un messatge en bas d’article vos aremerciam de passar per l’adreça : jpbaquie@yahoo.fr (per rason d’espams avèm deugut barrar lo forom dirèct : répondre à cet article).