Pascal Colletta au cors de lenga de Drap (2)

La sala de cors de lenga de Drap èra cómola dijòus 24 de Mars dau 2011. Joan-Pèire SPIES animator de l’atalier e vici-president de l’IEO-06 donèt la benvenguda au monde presents.

Pi, Pascal Colletta nos faguèt l’amistat e lo plaser d’una conferença en lenga a prepaus dau sieu país d’Ilònse, dau sieu travalh d’escritura e tanben de toti li activitats que mena dins mai d’una associacion per faire viure la nòstra curtura e la nòstra lenga.

Lu escambis siguèron rics e numerós en fin de conferença.

L’IEO-06 prepausèt a Pascal d’organizar en partenariat una vísita d’Ilònse en occitan-aupenc au mes de setembre dau 2011. Aurem temps de l’i revenir e de v’en dire de mai sus d’aquò.

Coma de costuma, lo gòto de l’amistat en fin de conferença, aportèt la convivialitat, una dei costantas en li activitats de l’IEO-06.