RESSON D’AQUI N°135

Afogament.

Ara vòli parlar en aquelei que se sovendràn tota la vida dau jorn memorable, entre totei, qu’escotèron, per lo premier còp, lei "Cançons dei Fèstas Provençalas" dau subre-bòn grop Bachàs-Mont-Jòia, ò de Joan-Maria Carlòtti cantant solet, au calabrun, a Vença, sa "Barcatièra de Ròse". Èra dins leis annadas uechanta. V’en sovenètz de çò qu’avètz ressentit... e quant de còps l’avètz escotat lo disc? La beutat es pas trista, es esmoventa. A l’epòca, mai d’un prenguèt lo mocador, ièu l’i passèri meme lo paquet! Anem mai avans, dins leis annadas nonanta, quand sortiguèt lo Corou de Berra e, per exemple, la cançon "Li Santi Mario" (Mistral-Patrici Cònte). Un autre mocador! Mai, mi diretz, perqué ramentar tant de bèus sovenirs?

Se volètz viure un moment parier escotatz subran lo Disc Sarrat "Marombrina" de Danièla Franzin, Patrícia Jouve, Danièla Collombon e Sílvia Aligro. Lo repertòri compren de cançons tradicionalas e de cançons novèlas. Oblidan pas de mercejar leis amics, leis artistes, l’IEO-CREO per la sieu ajuda. Es un verai cap d’òbra, per la qualitat tecnica de l’enregistrament dins la gleisa Sant-Sauvador de Pelhon, per la beutat dei quatre votz. Chascuna a sa color per cantar sa partida soleta ò coralament, embé sensibilitat a l’istòria que si debana e intelligéncia de la situacion come se diriá au teatre.

Per acabar resisti pas au plaser de revirar, en qauquei mòts pron liures, l’eime de la presentacion francesa de la pocheta dau DS :

«"Marombrina" es lo rescòntre de quatre votz, que van d’acòrd coma leis abelhas, lo rescòntre de quatre fremas que s’afecionan a cantar a cappella, en provençau, embé d’arrenjaments personaus tot plen de fòrça, de doçor e de la bèla malanconiá, aquela qu’a d’estèlas dins leis uelhs. Plaser d’alegrar lo tèmps e lei nòtas coma en si gaugalhant dei marombrinas dau lume sus l’aiga.»

Gílbert Combe.

Coup de coeur.

Maintenant je veux parler à ceux qui se souviendront toute leur vie du jour, mémorable, entre tous, où ils écoutèrent pour la première fois les "Cançons dei Festas Provençalas" du très bon groupe : Bachas-Mont-Jòia, ou de Jean-Marie Carlotti chantant seul, à la tombée de la nuit, à Vence, sa "Barcatièra de Ròse". C’était dans les années 80. Vous vous souvenez de ce que vous avez ressenti... et du nombre de fois que vous l’avez écouté ce disque? La beauté n’est pas triste, elle est émouvante. A l’époque, nombreux sont ceux qui prirent leur mouchoir! Moi, j’y passai même le paquet! Poursuivons dans le temps, dans les années 90, quand le Courro de Berra sortit, par exemple, la chanson "Li Santi Mario" (Mistral - Patrice Conte ). Un autre mouchoir! Mais, vous me direz, pourquoi se rappeler de si beaux souvenirs?

Eh bien, si vous voulez revivre la même chose écoutez tout de suite le CD "Marombrina" de Danièle Franzin, Patricia Jouve, Danièle Collombon et Sylvie Aligro. Le répertoire est fait de chansons traditionnelles et nouvelles. Elles n’oublient pas de remercier les amis, les artistes, l’IEO-CREO pour leur aide. C’est vraiment un chef-d’oeuvre pour la qualité technique de l’enregistrement dans l’église Saint-Sauveur de Peillon, pour la beauté des quatre voix. Chacune a sa couleur pour chanter sa "partie" seule ou en choeur, avec sensibilité à l’histoire qui se déroule, intelligence de la situation comme on dirait au théâtre.

Enfin je ne résiste pas au plaisir de traduire librement l’esprit de la présentation française de la pochette du CD :

«"Marombrina" est la rencontre de quatre voix, qui s’accordent à merveille, la rencontre de quatre femmes qui partagent le goût du chant a cappella, en provençal, avec des arrangements personnels pleins de force, de douceur et de la belle mélancolie, celle qui a des étoiles dans les yeux. Plaisir d’amuser le temps et les notes comme on se joue des reflets de la lumière sur l’eau, comme une "marombrina".»

Agenda :

Contacts: daniellefranzin@mageos.com - 06 82 34 91 79 le.son.de.choses@wanadoo.fr - 06 09 72 59 37

site: http://marombrina.free.fr

Atelier de langue, mercredi 20 février, salle de St Jacques, 17h30.