Institut d’Estudis Occitans 06
Acuèlh dau sit > Provençau > Patrimòni > RESSON D’AQUI N°94

Omatge a la ròsa centifòlia

RESSON D’AQUI N°94

diménegue 6 de mai dau 2007, da Andrieu, Joan-Pèire

Nòstre amic, Andrieu responsable de la cronica "Nice-Matin" per l’IEO-06, a decidit de confidar son estilò au paure Tèo Giordan qu’èra sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.

Podetz legir l’article de Tèo Giordan encuei dins l’edicion de "Nice-Matin" Grassa.

De pas mancar l’agenda en bas de pagina.

Omatge a la ròsa centifòlia.

La ròsa de mai èra una ressorça importanta, antan, per lei païsans d’aquí. Lo nòstre regretat Tèo Giordan evocava sovent, emb’un pauc de malanconia, l’epòca de la culhida.

"Pensi sovent an aqueu temps, escriviá Tèo, a l’entretenança reclamada per lei rosiers, au lòng e penible travalh : lo foire, lo rasclatge, lo podatge, lo plegatge dei ramas... Per pas tròp s’espinassar dins aquestei rusticatges, èra bòn de si vestir d’una blòda de canebe que ren podiá escarchar. La culhida començava lèu lo matin, avans lo levar dau soleu. Ansin, la ròsa si gardava pus fresca e, subretot, un pauc pus pesanta, sus la balança dau depaus. Partent de uech ò nòu oras, dins totei lei carrieras de La Còla, èra lo recampament, cadun portava la sieu recòlta, lei pus modèstes, embé la saca sus l’espatla, d’autres, ‘mé lo carreton a braç ò ‘mé l’ai atelat ò lo muòu bastat, fins ai carretadas dei gròs productors.

S’es dich que, dins lei bòneis annadas, s’en rabalhava fins a 5000 tonas. Una part èra portada a la coperativa, lei cinc ò sièis corratiers ne’n recebián, tanben, una bòna quantitat. Ensacada e cargada en carreta, la nòstra paura ròsa s’enrotava per Grassa, en un lòng e ben triste cortègi per la menar an una fin segura. Coma o diguèt lo poèta, la sieu vida durèt l’espaci d’un matin. Mai, per passar de vida a trespàs, li a faugut endurar fòrça marrits tractaments, per finir dins la tina dau distillator.

Se as acabat tròp lèu la tieu vida, la tieu ama vagabonda, cargada d’un perfum sensa parier, va prene la sieu volada e si liar a la beutat per enauçar leis agradanças de la feminitat. La favor qu’as ganhada de tant d’amators dins lo monde concretiza ben la granda valor sentimentala que t’avèm totjorn acordada. Encuei, que la chimia a sintetizat lo tieu perfum e faussat la tieu sentor, es la nòstra ama que, subretot, ne’n patisse. Oblidada o seràs pas, jamai."

La coperativa de la ròsa de mai, fuguèt creada li a cent ans, a La Còla. Serà festat aquest anniversari, lo 27 de mai.

Tèo Giordan.
p.c.c. Andrieu Sàissi.

Agenda :

Atelier de langue : mercredi 9 mai, salle polyvalente de St Jacques, à 17h30.

Omatge a la ròsa centifòlia

Hommage à la rose centifolia.

La rose de mai était une importante ressource, autrefois, pour les paysans du pays. Notre regretté Théo Giordan évoquait souvent, avec un peu de mélancolie, l’époque de la cueillette.

"Je pense sovent à ce temps-là, écrivait-il, aux travaux d’entretien exigés par les rosiers, au long et pénible travail : le bêchage, le râclage, la taille, le pliage des tiges... Pour ne pas être trop égratigné par les épines pendant ces travaux agricoles, il était bon de s’habiller d’une blouse de chanvre que rien ne pouvait déchirer. La cueillette commençait tôt, le matin, avant le lever du soleil. Ainsi, la rose se conservait plus fraîche et, surtout, un peu plus lourde sur la balance du dépôt. A partir de huit ou neuf heures, dans toutes les rues de La Colle, c’était le rassemblement : chacun apportait sa récolte, les plus modestes, le sac sur l’épaule, d’autres avec des charretons à bras ou attelés d’un âne ou avec un mulet bâté, jusqu’aux charretées des gros producteurs.

On a dit que, dans les bonnes années, il s’en ramassait jusqu’à 5000 tonnes. Une partie était apportée à la coopérative, les cinq ou six courtiers en recevaient aussi une bonne quantité. Mise en sac et chargée sur des charrettes, notre pauvre rose prenait la route de Grasse, en un long et bien triste cortège qui la conduisait à une fin certaine. Comme l’a dit le poète, sa vie n’a duré que l’espace d’un matin. Mais, pour passer de vie à trépas, il lui a fallu endurer nombre de mauvais traitements, pour finir dans la cuve de l’alambic.

Si tu as achevé trop tôt ta vie, ton âme vagabonde, chargée d’un parfum sans pareil, va prendre son envol et se lier à la beauté pour rehausser les charmes de la féminité. La faveur que tu as acquise auprès de tant d’amateurs dans le monde concrétise bien la grande valeur sentimentale que nous t’avons toujours accordée. Aujourd’hui, où la chimie a synthétisé ton parfum et faussé ta senteur, c’est surtout notre âme que en souffre. Oubliée, tu ne le seras pas, jamais."

Il y a cent ans que la coopérative de la rose de mai a été créée, à La Colle-sur-Loup. Cet anniversaire sera célébré, le 27 mai.

1 Messatge

  • RESSON D’AQUI N°94 6 de mai dau 2007 16:28, da Joan-Pèire

    Merci a Andrieu qu’a mes en forma aquest tèxto de Tèo Giordan.

    De fach, la ròsa Centifòlia es originària dau Caucasa de cen que si ditz.

    Mi siau interessat au sieu nom que vòu dire "cent fuelhas" ò puslèu "cent petalas". Un bèu cambiament paragonat a l’agranier, la premiera ròsa, que dona coma frucha lo "grata-cuòu.

    repondre message

Respoandre à-n-aquel article

SPIP | esqueleta | | Plan dau sit | Seguir la vida dau sit RSS 2.0 | {#ENV{label}}