Institut d’Estudis Occitans 06
Acuèlh dau sit > Provençau > Patrimòni > Cronicas de JJ de Niça

Ecologia venguda d’en aut, de temps e d’en cò dau nòstre

Cronicas de JJ de Niça

divendres 29 de novembre dau 2019, da Joan-Pèire

Resson dei imatges dau Blagaire de l’IEO-06 Jan-Jaume de Niça ven de nen mandar la sieu 32ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :

Ecologia venguda d’en aut, de temps e d’en cò dau nòstre

Entre leis annadas 1503 e 1559, fin dau pontificat de Francesco Piccolomini ( Pie III dau sieu escais-nom ) e debuta d’aqueu de Joan Àngel de Medecis ( dich Pie IV ) s’es debanat aqueu de Constanta d’Archimeda, lo famós papa Pie 22/7 … que pòdem totei veire aquí, granmercé Niçafòre, la sieuna papamobile.

Se vei tanben que, maugrat leis Alfa Romeo, Autobianchi, Ferrari, Fiat, Lancia, Lamborghini, Maserati, totei fornisseires oficaus dei carròças d’aqueu temps, e lei sornarusas temptativas dau cap de coïna dei palacis B & B ( Borghèse e Borgia ), ai 3,14159 … estèlas au "Gòts de Milhau" de 1515, lo guida dei curabiaças romans, per lo sieu famós bolh de onge oras, lo bòn papa Pie 22/7 faguèt la chausida dau famós constructor dau nòstre, en ribas de Palhon, lo Choas dau Mas d’Ariana (*) per lo sieu modèl electric, lo promier ai batariás rescargablas !

A E I O U !

(*) la sieuna marca exclusiva ( Masda ) e lo sieu "logò" ( l’aglon niçard ais ailas desplegadas dins lo nòstre lusissent soleu miegjornau ) son estats despausats, despuei pèbre, pi-u-pi-u totjorn viu, sensa tambor ni pi-fre, encò de l’IN-PI !

JJ de Niça

SPIP | esqueleta | | Plan dau sit | Seguir la vida dau sit RSS 2.0 | {#ENV{label}}