Institut d’Estudis Occitans 06
Acuèlh dau sit > Niçard > Li nòvas > Dau País d’òc > Montpelhier : 15000 personas per carrieras.

Montpelhier : 15000 personas per carrieras.

L’IEO-06 l’i èra.

dimars 27 d’octòbre dau 2015, da Joan-Pèire

Per lo quint còup, una manifestacion per aparar la lenga occitana siguèt organizada, coma lo sabètz, lo 24 d’octòbre dau 2015 a Montpelhier. Coma de costuma l’IEO-06 avia afitat un carri per faire lo desplaçament.

Se lo passa-carrieras siguèt festiu, n’èra pasmens redivendicatiu e demandava tra autres la firma/signatura de la Carta Europenca dei Lengas Regionali per Franca.


Denant dau passa-carrieras si retròvan lu amics occitanistas venguts manifestar.

Sòcis de l’IEO-06

Coleta e la sieu bandiera tota nòva.

La manif s’endràia.

Lu elegits de la region son presents : Les quatre chefs de liste aux régionales (Delga, Onesta, Reynié, Saurel) ; Jean-Noël Lloze, conseiller départemental ; J-François Saisset, maire de Trausse ...

Aremerciam toi lu sòcis que faguèron lo desplaçament embé nautres, que venguèron tanben sigue per tren sigue per veituras.

Tròç dau discors de fin :

Li revindicacions :

Volèm una lei, un estatut oficial, valent a dire de drechs e de garantidas.

Volèm l’egalitat de tractament per nòstra lenga e de toti li lengas regionali.

Volèm dins cada region de politicas linguistiqui serioï,

Volèm de medias occitans, ràdios e Tv, sostenguts e renfòrçats

Volèm d’estrucutras culturali per lo teatre, la dansa, la música

de finançaments per la formacion professionala qu’es de competença regionala,

e volèm un sosten mai fòrt a la creacion qu’es la vida d’una cultura.

La manifestacion es acabada, mas la batèsta per la nòstra lenga contunha :

Per l’an que ven, tre lo començament de l’an, anerem a cada region campanejar per l’occitan, manifestarem la nòstra presença e la volontat que pilhèsson li sieu responsabilitats.

En lo 2016, farem tanben campanada ai despartaments qu’elu an aüra la competença partejada « lenga regionala ».

Son d’actors màgers e lu devem butar a si bolegar d’un biais responsable de la sieu lenga regionala. Embé aquò avèm de pan sus la canissa per lo 2016. L’i aurà de que faire.....

Per ne’n saupre mai :

Lo Jornalet de França-3 : http://france3-regions.francetvinfo.fr/midi-pyrenees/emissions/jt-local-1920-edicion-occitana

Lo discors de fin de manifestacion, articles de premsa, fotografias sus : anem-oc.org

http://www.anem-oc.org

Vos tendrem au fiu per la seguida !

SPIP | esqueleta | | Plan dau sit | Seguir la vida dau sit RSS 2.0 | {#ENV{label}}