Institut d’Estudis Occitans 06Clicatz sus l’imatge per anar sus YouTube IEO-06
L’IEO-06 sus YouTube
vos dona a escotar la lenga !
dimars 24 de mars dau 2015, da ,
Dont es que si pòu audir d’occitan (niçard, provençau vivaro-aupenc...) ? En familha, dins lu cors de lenga, de coïna, de danças tradicionali, de caminadas organizadi da l’IEO-06, quora un rescòntra un amic, au clòs de bòchas, a la television "Vaquí", sus de ràdios, sus lo site d’associacions amigui (CEPd’OC, eca..), lu malhums socials (Facebook,...). Dins aquestu luecs e dins ben d’autres segur.
Ancuei vos volem remembrar que l’IEO-06 a mes en rega de pichini istòrias trachi dau sieu libre Ribon-Ribanha, mas pas simplament.
Avèm demandat a Miquel de Carabatta de nen legir la dictada occitana dau 2015, a Magalí Bizot-Dargent de nos registrar un tèxte "Musica" trach d’un sieu libre "Cronicas pacolinas", a Paul Pastor de dire en gorbaïn, a Joan-Pèire Spies de s’apropriar la poesia d’Alan Pelhon...
Brefle volem donar ai lectors que siatz, l’ocasion d’escotar lu tèxtes que legissètz ; ai escolans que fan de lenga au licèu ò au collègi de poder escotar au sieu, lu tèxtes qu’emparan en classa e perqué pas, tot simplament, d’escotar la lenga per plasir.
Siguètz atent, a comptar d’aüra metrem lo mai sovent possible de pichins tèxtes per donar a audir la lenga.
Avèm besonh de toi !
Basta de causir un tèxte e de lo legir, qu’au jorn d’ancuei es ben aisat de si registrar !
Nos podètz ajudar en prestant la vòstra votz. Per aquò faire contactatz l’ieo-06 a l’adreça seguenta :
RSS 2.0