Institut d’Estudis Occitans 06
Acuèlh dau sit > Niçard > Li nòvas > Dau defòra > Quora despareissèron lu colombs de Sofi Oksanen

Ven de parèisser :

Quora despareissèron lu colombs de Sofi Oksanen

Edicions IEO-PACA (CREO-Provença)

diluns 22 d’abriu dau 2013, da Joan-Pèire

Quora despareissèron lu colombs de Sofi Oksanen

Lo libre : Coma li gents sobrevivon sota lo totalitarisme ? De qué pòdon acceptar per sobreviure ? Coma la paur pòu menar a d’actes de desesper ? Perqué d’autres son coratjós ? Cada personatge respònde en aquesti demandas e a d’autri a la sieu maniera.

Edgar cambia d’identitat. Juudith, la sieu esposa cerca d’escapar ai sieu responsabilitats embé l’amor. Roland si bate emb’ai rebèls e viu l’experiença dei atrocitats de la guèrra…

Sofi Oksanen cerca pas de dire qu son lu marrits e qu son lu braves. Dins l’Istòria emb’un gran « I » fa viure de gents, cadun embé la sieu pichina istòria. Cada personatge cerca la sieu dràia dau temps de la segonda guèrra mondiala en Estònia ; premier emb’ai Alemands, pi emb’ai Russos de l’Union Sovietica.

Lo libre dona en ren de leçons de morala.

L’embrolh es pas complicat de tròup. Lu personatges son interessants embé de personalitats contradictòri. La lenga, dins la sieu traduccion occitana-niçarda es bèla, druda, gaireben poetica a de moments. La devem a Miquèl de Carabatta e Sébastien Cagnoli que travalhèron ensems.

Quora despareissèron lu colombs, un libre, dont lo rire es quist mas l’istòria es passionanta, que conselhi de legir.

Editions : IEO-PACA 392 pàginas 17 € + 4,50 € de pòrt.

Da legir tanben l’article : http://ieo06.free.fr/spip.php?article2464

Da comandar :

INSTITUT D’ETUDES OCCITANES-06
Section Georges Gibelin
Chez Mme Carlòta RUBINI
67 Route de la Paillos
06300 NICE
04 93 76 69 87
 
e/ò
 
Ostau de provença
8 bis, avenue Jules Ferry
13100 Aix en Provence
04 42 59 43 96/ 06 77 49 37 78

jpb

Respoandre à-n-aquel article

SPIP | esqueleta | | Plan dau sit | Seguir la vida dau sit RSS 2.0 | {#ENV{label}}