Institut d’Estudis Occitans 06
Acuèlh dau sit > Niçard > Li nòvas > Dau País Niçard > "Niça Rebèla" de MAURIS

"Niça Rebèla" de MAURIS

diluns 9 de julhet dau 2012, da Joan-Pèire

Gaire de temps denant la sieu despartida, MAURIS, nos faguèt present d’una novèla version de "Niça Rebèla" per dire la sieu determinacion a luchar còntra l’intolerança, lo racisme e la xenofobia.

Aquò si debanava a Coarasa lo dissabta 26 de març dau 2011, dins una sala clafida per "Camin de Vida".

MAURIS es estat fedèl au sieu ideal, ai sieus engatjaments, despí li annadas 1970 dont cantava "Lu lops", "Païsans dau Var", "Santiago" e ne’n passi...

Ancuei embé l’autorizacion de Choasa, la sieu frema, vos prepausam li paraulas de la sieu "Niça Rebèla".

fòto : Berenghier Gilbert

Niça Rebèla

Perdone-mi Calènas
An raubat lu tieus mòts
Per faire una rementa
De Niça la rebèla
E vos identitaris
Que semenatz la paur
En denembrant qu’a Niça
Siam mòros e lo sabem
 
N’i a finda que s’en tornan
Laudar la Comtea
Trombetant èstre Niçards
Entre nautres e pi basta
Dei antenats ligurs
Avèm la testardisa
La dignitat la libertat
Niça rebèla
 
Mercés ai Perrugins
Calabrés Pimontés
Espanhòls
Avètz bastit a Niça
Ostarias Palais Maions
Mercés ai Tunisians
Portugués Maroquins,
Algerians
Òmes e Fremas dapertot
Qu’avètz sudats aquí
 
Jamai pus canterai
Son mòrti li tonèlas
Li es pus de cançons
Per lo beton
E totjorn penserai
Au temps que ères bèla
Ailàs ! ailàs ! ailàs ! ailàs !
Niça rebèla
 
MAURIS

Per legir li paraulas de la cançon "Niça Rebèla" de Jean-Noël Varo dich "Jan Calènas" clicatz sus lo liame : http://ieo06.free.fr/spip.php?article565

Per legir li paraulas dau 33 giros NISSA REBELA clicatz sus l’imatge :

1 Messatge

  • "Niça Rebèla" de MAURIS 9 de julhet dau 2012 08:56, da françon

    Li paraulas de la cançon de Mauris son un messatge de patz , d’amor .
    Son totjorn d’actualitat dapertot en lo monde e finda aqui .
    Lu sieu mots an una portada universala .
    N’a laissat un eretatge per lo nostre " camin de vida" e podem n’estre emplits d’esper .
    N’a donat d’amistat en la sieu vida e ne’n dona encara ancuei.

    Respoandre à-n-aqueu messatge

Respoandre à-n-aquel article

Darrièrs comentaris

Dins la mema rubrica

SPIP | esqueleta | | Plan dau sit | Seguir la vida dau sit RSS 2.0 |