RIBON-RIBANHA

a l’adreça : ribonribanha yahoo.fr

"La garderem ribon-ribanha, nòsta rebèla lenga d’Òc !"

La mar embilada

« Mi demandetz pas perqué, ai besonh de bramar, de cridar » cantava d’un temps Miquèla Bramerie.

Aquò lo pensi au jorn d’ancuei quora de desastres ecologics màgers non son punits. Vòli parlar dau petrolier Erika que s’es prefondat en lo 1999 e qu’a brutat mai de 400 qms de còstas de Bretanha . Fuguèt un auvari per lu òmes, lu aucèus e la natura tota.

De votz coma aquela de Miquèu Cavelan, s’èran auçadi per dire lo tristum dau desastre. Era un Ribon-Ribanha nomat « La Pèsta negra » qu’avii revirat.

Ai emparat que lo procès non si porria tenir perqué lo prefondament dau petrolier s’es debanat en defòra dei aigas territoriali de França . Aquò vodria dire que lu crucis de pollucion non son mondiaus e que cadun a lo drech de faire cen que vòu sensa minga condamnacion. Refudi aquesta idea ; la pollucion non s’arresta ai confins e dèu èstre tractada mondialament .

Ja en lo 1986 quora la centrala atomica de Tchernobyl a petat n’an fach creire que la nebla non èra venguda fins au nòstre. Mi sembla que lo judici es de pensar qu’aquò es d’ipocrisia e de mensònegues.

Siam pilhats per de mariòtas que devon solament obedir e creire. Esperi que dins l’afaire tot non sigue encara acabat. Li son totplen de batestas da menar per la nòstra terra , per lu enfants d’ancuei , aquelu de deman.

Françon DALBERA

« Ne me demandez pas pourquoi, j’ai besoin de hurler , de crier ! » chantait autrefois Miquela Bramerie .

Ses paroles me viennent en tête quand des désastres écologiques majeurs ne sont pas punis. Je veux parler du pétrolier Erika qui s’est abîmé en mer en 1999 et qui a souillé plus de 400 kms de côtes de Bretagne. Ce fut un malheur pour les hommes, les oiseaux et toute la nature.

Des voix comme celles de Michel Cavelan s’étaient élevées pour dire la tristesse du désastre.

Il avait écrit « La Peste noire », je l’avais traduit pour en faire un Ribon-Ribanha.

J’ai appris que le procès ne pourrait pas se tenir car le naufrage a eu lieu en dehors des eaux territoriales françaises.

Ceci voudrait dire que les soucis de pollution ne sont pas mondiaux et que chacun a le droit de faire ce qu’il veut sans condamnation.

Je refuse cette idée ; la pollution ne s’arrête pas aux frontières et doit être traitée mondialement. Déjà en 1986 quand la centrale atomique de Tchernobyl a explosé, on nous a fait croire que le nuage n’était pas arrivé chez nous.

Il me semble que le bon sens est de penser que tout cela n’est qu’hypocrisie et mensonge.

Nous sommes pris pour des marionnettes qui ne doivent qu’obéir et croire.

J’espère que dans l’affaire tout n’est pas encore fini.

Il y a encore beaucoup de batailles à mener pour notre terre, pour les enfants d’aujourd’hui, ceux de demain.