Institut d’Estudis Occitans 06

Lu lops

Cançon d’Alan PELHON e MAURIS

dijòus 23 de julhet dau 2009, da Joan-Pèire

Aquesta cançon foguèt escricha per Alan Pelhon e Mauris a la demanda dau cantaire Daniel DAUMAS.

Aquò si debanava en li annadas 1973-74... Es en aquesta época que Paris decidèt dau desplaçament de prefectura de Draguinhan devèrs Tolon. La situacion èra tenduda dins Var.

Totplen de manifestacions duri a Draguinhan : armada, vinhairon, monde de la prefectura, politics, populacion... Bessai que d’uni s’enavison encara d’aquest eveniment que trebolèt mai d’un varés. Vorguessiatz testimoniar d’aquò en bas d’article...

Lu Lops

Alan Pelhon & Mauris Sgaravizzi

Un jorn ai autres parrièr s’acaba
Mas lu lops bauban totjorn
Un jorn ai autres parrièr s’acaba
Mas lu lops gardan li presons
Son sortits sensa ren dire
Per tracolar e semenar la paur
Son sortits sensa ren dire
Mascarats de vergonha d’espavent
 
Si son jetats dins lo còr de la vila
Sensa regarjar cu èra davant
An chaplat en cada caire
Set qu’avion de sang e de carn
Son totjorn per carrièra per camps
Maufidatz-vos perqué segur deman
Vi caleràn coma fòls sus l’esquina
Per vi laissar sensa sang en mitan
 
Venetz amics anèm faire la cocha
Li estofar coma garris bastards
Per fin que pas un solet s’escape
D’aquí que vengue lo jorn deman
Un jorn coma minga autre si leva
Dai planas ai bòscs bofa lo vent
Embriac folandran de libertat
Lo jorn si leva si cau ajudar

LES LOUPS

Un jour comme les autres s’achève/ mais les loups hurlent toujours/ un jour comme les autres s’achève/ mais les loups gardent les prisons/ Ils sont sortis sans rien dire/ pour aller venir et semer la peur/ masqués de honte et d’épouvante/ ils ont pénétré dans le cœur de la ville/ sans regarder qui était devant/ Ils ont tout écrasé/ avides qu’ils étaient de sang et de chair/ ils sont toujours partout dans les rues et les champs/ méfiez-vous parce que sûrement demain/ ils vous sauteront comme fous sur l’échine/ pour vous laisser étalés sans vie au milieu du chemin/ Venez amis nous allons faire la battue/ les étouffer comme des rats bâtards/ pour que pas un seul ne s’échappe/ d’ici que vienne le jour demain./ Un jour comme aucun autre se lève/ des plaines au bois souffle le vent/ saoul fou de liberté/ le jour se lève il faut s’entraider.

Per ne’n saupre mai veire lo pichin film sus la pàgina :

http://dracenie.wordpress.com/2009/02/15/transfert-de-la-prefecture-de-draguignan/

1 Messatge

  • Lu lops 29 d’avost dau 2009 16:00

    A prepaus de 1974 a Draguinhan...

    lo texte d’una cançon mieuna (La flor de libertat 1975)

    que l’avocat Yves Rosé faguet entendre au procès
    dei Dracenecs que faguèron petar lo standard de la prefectura

    lo 4 de decembre.

    Amistat. Daniel Daumàs

    4 de decèmbre a Draguinhan
     
    avètz pas jamai vist un pòple que rebeca
    de bravei gents coma vos que vènon enrabiats
    avètz pa’ncar auvit aqueu crit : volèm viure aicí !
     
    còntra vòstrei granadas aviam que de mataus
    còntra vòstrei matracas de caladaus
    quand vòstrei bombas petan
    quant de gents son nafrats ?
     
    un jorn e una nuech un autre jorn encara
    Dragui èra vengut Londonderry
    aicí coma ailamont mau voler contra justici
    quau ganharà ?
     
    joves e vielhs mesclats Dragui ma vila drecha
    as perdut aquesto còp mai as pas plegat
    as mostrat que deman podèm ganhar
    capitarem !

    repondre message

Respoandre à-n-aquel article

SPIP | esqueleta | | Plan dau sit | Seguir la vida dau sit RSS 2.0 | {#ENV{label}}